Fjölmennur íbúafundur var haldinn á Brekkunni Stöðvarfirði miðvikudagskvöldið 25.ágúst. Um 100 manns voru á fundinum en þungt er í íbúum vegna fyrirhugaðra lokana útibúa Landsbankans og Íslandspósts á staðnum.
Í gær var undirritaður samningur um ritun sögu Fáskrúðsfjarðar frá landnámi til ársins 2003 er Austurbyggð varð til. Samningurinn er milli Fjarðabyggðar, Sögufélags Fáskrúðsfjarðar og Smára Geirsonar sem hefur tekið að sér að rita söguna.
Hér er tilkynning frá Bj. Hafþóri Guðmundssyni um útgáfu lagsins "Stöðvarfjörður": Fyrir margt löngu tilkynnti undirritaður að tekin hefði verið ákvörðun um að gefa út á geisladiski lag Eyjólfs Ólafssonar við kvæðið "Stöðvarfjörður" eftir Björn Jónsson frá Kirkjubóli. Af ýmsum ástæðum hefur framgangur verksins tafizt, en nú er svo komið að einungis er eftir að fjölfalda diskinn og prenta bækling, sem verður hluti af útgáfunni, myndefni og ýmsar upplýsingar, sem gera munu diskinn ennþá eigulegri.
Þjóðminjasafn Íslands hefur unnið að gagngerri viðgerð á Sómastöðum við Reyðarfjörð síðastliðin tvö ár. Nú er viðgerð hússins lokið og var því fagnað í móttöku á Sómastöðum í gær. Margrét Hallgrímsdóttir þjóðminjavörður lýsti verkefninu og þakkaði fyrir veglega styrki frá Menningarráði Austurlands og Alcoa Foundation og frábært samstarf við Húsafriðunarnefnd, iðnaðarmenn og fleiri sem unnu frábært starf að Sómastöðum
Í gær fimmtudaginn 12. ágúst veittu afkomendur Guðjóns Antons Gíslasonar (Hákarla Guðjóns) fjárstyrk til minningarreits um fjarstadda látna ástvini að upphæð 240.000.- kr, Fjárstyrkurinn kemur til vegna minningarkvöldvöku sem haldin var í Randulffssjóhúsi sjómannadaginn 6. júní sl. til minningar um Guðjón sem lést síðastliðið haust. Kvöldinu var stýrt af Ellert Borgari Þorvaldssyni ásamt Randúlfunum