Á fjölmiðlatorgi Fjarðabyggðar má nálgast á einum stað fréttir af vef sveitarfélagsins og tilkynningar, merki þess og annað sem gagnast kann störfum fjölmiðla. Stefna Fjarðabyggðar í upplýsinga- og kynningarmálum er að veita góðar og gagnsæjar upplýsingar um nærsamfélagsþjónustu sveitarfélagsins og réttindi íbúa. Áhersla er lögð á góð samskipti við fjölmiðla og stuðning við samfélagslegt hlutverk þeirra. Lögum samkvæmt ber sveitarfélagið einnig ríka upplýsingaskyldu gagnvart íbúum um málefni þess og ákvarðanir, bæði hvað þjónustu varðar, fjárhag og umhverfi og þau markmið sem að er stefnt.
Hér má nálgast Samskiptastefnu Fjarðabyggðar
Allar beiðnir um auglýsingar og auglýsingastyrki skal berast á netfangið auglysing@fjardabyggd.is
Frekari upplýsingar veitir upplýsingafulltrúi.
Haraldur Líndal Haraldsson
Netfang: haraldur.haraldsson@fjardabyggd.is
Beinn sími: 470 9092
Farsími: 697 7335
Íbúafundur um Brothættar byggðir á Stöðvarfirði fór fram á dögunum og var hann fjölmennasti til þessa.
Verkefnisstjóri fór yfir verkefnisáætlunina sem samanstendur af fjórum meginmarkmiðum og 44 starfsmarkmiðum. Fundargestir fengu yfirlit yfir stöðu hvers starfsmarkmiðs og uppfærslur um þau verkefni sem eru í gangi.
Heilbrigðiseftirlit Austurlands tók sýni af neysluvatni á Stöðvarfirði í kjölfar mikilla rigninga undanfarið. Niðurstöður sýnatöku staðfesta að kólí og E.coli er í öllum sýnum . Nauðsynlegt er að sjóða allt vatn til neyslu. Óhætt er að nota vatnið til annarra þarfa s.s. til baða þar sem fjöldi gerlanna var innan þeirra marka, sem miðað er við að megi vera í baðvatni í náttúrunni.
Í samráði við Heilbrigðiseftirlit Austurlands hefur verið ákveðið að bíða með frekari sýnatökur þar til eftir helgi þar sem enn er von á mikilli rigningu. Búast má því við að mengun í neysluvatni á Stöðvarfirði verði viðvarandi næstu dag. Íbúar verða upplýstir um þróun mála eftir því sem fram vindur.
Leiðbeiningar um suðu á vatni: Suða neysluvatns leiðbeiningar.
Hönnunarstaðall setur ramma utan um notkun byggðarmerkis Fjarðabyggðar í prent- og kynningarmálum sveitarfélagsins. Hönnunarstaðallinn er leiðbeinandi tæki fyrir starfsfólk Fjarðabyggðar sem og aðra er koma að kynningarmálum, rafrænt sem og prentuðum. Sveitarfélagið Fjarðabyggð notar merki Fjarðabyggðar á öll gögn, auglýsingar, kynningar, útgáfur og ytri merkingar til að auðkenna starfsemi Fjarðabyggðar. Fylgja skal þessum hönnunarstaðli og ekki má í neinum tilvikum breyta litum merkisins. Hönnunarstaðallinn er ekki tæmandi og ef vafa atriði koma upp varðandi notkun byggðarmerkisins skal hafa samband við upplýsingafulltrúa Fjarðabyggðar.
Nánari útfærslur og dæmi má finna í Hönnunarstaðli og merkjunum er hægt að hlaða niður héðan.
