Upplýsingar um samþykktir og gildistöku annarra deiliskipulagsáætlana eru aðgengilegar á kortavef Fjarðabyggðar og skipulagsvefsjá Skipulagsstofnunar.
Ákvarðanir bæjarstjórnar um deiliskipulagsáætlanir eru stjórnvaldsákvarðanir sem eru kæranlegar til úrskurðarnefndar umhverfis- og auðlindamála. Kærufrestur er einn mánuður frá birtingu auglýsingar um gildistöku deiliskipulagsáætlunar í B-deild Stjórnartíðinda.
Skipulags- og byggingarfulltrúi er með viðtalstíma á þriðjudögum frá klukkan 13:00-14:00 og fimmtudögum frá klukkan 10:00-11:00.
Skipulagsstofnun staðfesti 28. apríl 2022 nýtt aðalskipulag Fjarðabyggðar 2020-2040 og skrá yfir vegi í náttúru Íslands, sem samþykkt voru í bæjarstjórn 16. desember 2021. Við gildistöku aðal¬skipulagsins falla úr gildi aðalskipulag Fjarðabyggðar 2007-2027 og aðalskipulag Breiðdalshrepps 2018-2030 ásamt síðari breytingum.
Hægt er að nálgast aðalskipulag Fjarðabyggðar hér
Svæðisskipulag Austurlands 2022–2044 var samþykkt í svæðisskipulagsnefnd Austurlands þann 2. september 2022. Skipulagsstofnun staðfesti skipulagið þann 12. október sama ár. Það öðlaðist síðan gildi með birtingu í B-deild Stjórnartíðinda þann 27. október.
Strandsvæðisskipulag er skipulagsáætlun fyrir afmarkað svæði á fjörðum og flóum utan staðamarka sveitarfélaga. Þar er sett fram stefna og ákvarðanir stjórnvalda um nýtingu og vernd svæðisins. Skipulagið byggir á stefnu um skipulag haf- og strandsvæða. Við gerð þess ber að gæta samræmis við skipulag á landi.
Strandsvæðisskipulag getur þannig falið í sér stefnu um nýtingu svæða, meðal annars til eldis eða ræktunar nytjastofna, efnistöku, náttúruverndar, samgönguleiða og ferðaþjónustu svo eitthvað sé nefnt.
Strandsvæðisskipulag leggur grunn að leyfisveitingum fyrir framkvæmdum og annarri starfsemi á því svæði sem skipulagið tekur til.
Gerð strandsvæðisskipulags
Strandsvæðisskipulag er unnið í samvinnu ríkis og sveitarfélaga. Ráðherra skipulagsmála skipar svæðisráð sem ber ábyrgð á gerð strandsvæðisskipulagsins en Skipulagsstofnun vinnur að gerð þess í umboði svæðisráðsins. Í svæðisráði eiga sæti fulltrúar ráðherra umhverfis- og auðlindamála, ráðherra orkumála og ferðamála, ráðherra sjávarútvegsmála og ráðherra samgöngumála og einnig þrír fulltrúar aðliggjandi sveitarfélaga ásamt einum fulltrúa frá Sambandi íslenskra sveitarfélaga.
1.1 Byggingarleyfi og gjald vegna tilkynningarskyldra bygginga.
Byggingarleyfisgjald vegna nýbyggingar stærri en 15 m2er skipt í fast gjald og gjald fyrir hvern rúmmetra byggingar.
Innifalið í gjaldinu er lögboðin meðferð byggingarleyfisskyldra erinda, lóðarblað, yfirferð teikninga, útsetning lóðar og byggingareits húss, öryggis- og lokaúttekt (eitt skipti á hvora) og eftirlit byggingarfulltrúa skv. byggingarreglugerð nr. 112/2012.
| Tegund | Verð |
|---|---|
| Rúmmetragjald fyrir byggingar stærri en 15 m2 | 234kr./m3 |
| Byggingar 15-60 m2 | 123.327 kr. |
| Byggingar stærri en 60 m2 | 215.819 kr. |
| Yfirferð teikninga og umsýsla ( undanþegin leyfisgjaldi í lið 1.1) | 15.418 kr./klst. |
| Vinna byggingarfulltrúa (t.d. ef vinna er umfram innheimtu leyfisgjaldi) | 22.121 kr./klst. |
| Gjöld vegna aðkeyptrar yfirferðar séruppdrátta | samkvæmt reikningi |
| Meiri háttar framkvæmdir undanþegnar hefðbundinni gjaldtöku. | 64.522 kr. |
| Niðurrif mannvirkja | 30.831 kr. |
| Breyting á skráningu byggingar | 30.831 kr. |
| Lágmarksgjald vegna móttöku byggingarleyfisumsóknar | 15.417 kr. |
Greiða skal byggingarleyfisgjald fyrir hverja byggingarleyfisumsókn sem tekin er til umfjöllunar í eigna-, skipulags- og umhverfisnefnd.
Gjöld skv. 1. gr. eru óendurkræf þótt lóðarúthlutun og byggingarleyfi falli úr gildi.
1.2 Gjöld vegna stöðuleyfa.
Stöðuleyfisgjöld eru miðuð við hvern fermetra lausafjármunar. Lágmarksviðmunarstærð stöðuleyfisgjalda er miðuð við 15 m2. Gjald miðar við útgáfu stöðuleyfis. Stöðuleyfi eru að hámarki veitt til 12 mánaða í senn.
| Tegund | Verð |
|---|---|
| Stöðuleyfisgjald lausafjármuna | 3.523 kr./m2 |
1.3 Leigugjöld á skipulögðum gámasvæðum, iðnaðarlóðum og dreifbýli
| Tegund | Verð - Miðað er við almanaksár |
|---|---|
| Leigugjald fyrir 0-15m2 eða minna (jafngildir 20 feta gámi), veitt til eins árs í senn | 58.724 kr. á ári |
| Leigugjald fyrir 16-30 m2 (jafngildir 40 feta gám), veitt til eins árs í senn | 97.873 kr. á ári |
2.1 Leyfisveitingar og úttektir.
| Tegund | Verð |
|---|---|
| Aðrar leyfisveitingar, úttektir og vottorð (vínveitingaleyfi, húsaleiguúttektir, umsagnir vegna rekstrarleyfa o.fl.) | 30.830 kr. |
| Úttektir vegna byggingarstjóraskipta | 30.830 kr. |
| Úttektir vegna meistaraskipta | 30.830 kr. |
| Stöðuúttektir (undanþegin leyfisgjaldi í lið 1.1) | 30.830 kr. |
| Lágmarksgjald vegna annarra leyfisveitinga | 15.417 kr. |
2.2 Afgreiðslur.
| Tegund | Verð |
|---|---|
| Afgreiðslur eignaskiptayfirlýsinga | 61.664 kr. |
| Yfirferð eignaskiptayfirlýsinga, | Samkvæmt reikningi Þjóðskrár |
| Breyting á lóðarleigusamningi að beiðni lóðarhafa | 61.664 kr. |
| Umsýslugjald vegna lóðarúthlutunar | 56.420 kr. |
| Umsýslugjald vegna stofnunar lóða | 30.830 kr. |
| Gjald vegna kostnaðar ÞÍ vegna stofnunar lóðar | Samkvæmt reikningi |
| Umsýslugjald vegna útsetningar lóðarmarka að beiðni lóðarhafa | 15.417 kr. |
| Gjald vegna kostnaðar við lóðarútsetningu | Samkvæmt reikningi |
| Efnistökuleyfi | 40.126 kr. |
| Lágmarksgjald vegna annarra afgreiðslna | 15.417 kr. |
Gjaldskráin byggir á þeirri meginreglu að aðili sem óskar eftir breytingu á aðal- og/eða deiliskipulagi skuli greiða þann kostnað sem breytingin hefur í för með sér. Í því felst að umsækjandi greiðir kostnað vegna nýrra uppdrátta, breytinga á uppdráttum, auglýsinga og kynninga vegna málsins. Eigna-, skipulags- og umhverfisnefnd getur ákveðið að falla frá gjaldtöku ef skipulagsvinna á vegum sveitarfélagsins er yfirstandandi eða fyrirhuguð á svæðinu eða skipulagsáætlun þarfnast breytinga af öðrum ástæðum, enda hafi það ekki í för með sér viðbótarkostnað fyrir sveitarfélagið. Ef kostnaður vegna vinnu skipulags- og byggingarfulltrúa eða aðkeyptrar vinnu er, vegna umfangs, verulega umfram viðmiðunargjald verksins er heimilt að leggja á til viðbótar tímagjald skipulags- og byggingarfulltrúa sem er 15.417kr./klst. eða gjald skv. reikningi.
Skilgreiningar:
Umsýslu- og auglýsingakostnaður: kostnaður sveitarfélagsins við afgreiðslu umsóknar, birtingar auglýsinga og annarrar umsýslu.Breytingarkostnaður: kostnaður sem fellur til innan sveitarfélags við gerð nýs deiliskipulags eða breytingar á gildandi aðal- eða deiliskipulagsuppdrátta.
3.1 Kostnaður vegna aðalskipulagsbreytinga.
| Tegund | Verð |
|---|---|
| Breyting á aðalskipulagsuppdrætti, sbr. 36. gr. | Aðkeypt vinna samkvæmt reikningi |
| Umsýslu- og auglýsingakostnaður, sbr. 2. mgr. 36. gr. | 82.479 kr. |
3.2 Kostnaður vegna deiliskipulags.
| Tegund | Verð |
|---|---|
| Nýtt deiliskipulag, sbr. 2. mgr. 38. gr. | Aðkeypt vinna samkvæmt reikningi. |
| Veruleg br. á deiliskipulagsuppdr., sbr. 1. mgr. 43. gr. | Aðkeypt vinna samkvæmt reikningi. |
| Óveruleg br. á deiliskipulagsuppdr., sbr. 2. mgr. 43. gr. | Aðkeypt vinna samkvæmt reikningi. |
| Umsýslu- og auglýsingakostn., sbr. 2. mgr. 38. gr. og 1. og 2. mgr. 43. gr. | 82.479 kr. |
3.3 Kostnaður vegna framkvæmdaleyfis.
| Tegund | Verð |
|---|---|
| Framkvæmdaleyfi - framkvæmdir skv. 1. og 2. viðauka laga um mat á umhverfisáhrifum nr. 111/2021, viðmiðunargjald | 178.158 kr. |
| Framkvæmdaleyfi – aðrar framkvæmdir | 74.219 kr. |
| Framkvæmdaleyfi – aðrar minni framkvæmdir | 30.832 kr. |
| Eftirlit umfram eina ferð, sem er innifalin í framkvæmdaleyfisgjaldi | 15.417 kr. |
| Lágmarksgjald vegna annars kostnaðar við leyfisveitingar | 15.417 kr. |
Gjaldskrá þessi er sett fram með heimild í 51. og 53. gr. laga um mannvirki nr. 160/2010 ásamt heimild í 20. gr. skipulagslaga nr. 123/2010 og öðlast gildi 1. janúar 2025. Jafnframt fellur úr gildi gjaldskrá nr. 1434/2023.
Almenn heimild.
Af öllum nýbyggingum og viðbyggingum í þéttbýli í Fjarðabyggð skal greiða gatnagerðargjald
samkvæmt samþykkt þessari, sbr. 12. gr. laga um gatnagerðargjald nr.153/2006.
Ráðstöfun gatnagerðargjalds.
Gatnagerðargjaldi skal varið til gatnagerðar í sveitarfélaginu og viðhalds gatna og annarra
gatnamannvirkja.
Tekjum sveitarfélagsins vegna byggingarleyfis- og þjónustugjalda skipulags- og
framkvæmdasviðs skal varið til að standa undir hluta kostnaðar vegna þjónustu sveitarfélagsins
við lóðarhafa og byggingaraðila. Stofngjöld fráveitu og vatnsveitu og byggingarleyfisgjöld eru
innheimt sérstaklega og ekki innifalin í gatnagerðargjaldi.
Gjaldstofn gatnagerðargjalds.
Gatnagerðargjald er tvíþætt. Annars vegar er það vegna nýrra bygginga og hins vegar vegna
stækkunar á eldra húsnæði.
Stofn til álagningar gatnagerðargjalds er fermetrafjöldi byggingar á tiltekinni lóð skv. lágmarks
nýtingarhlutfalli eða meira. Gjaldstofninn er ákveðinn á eftirfarandi hátt:
Þegar sveitarfélagið úthlutar lóð eða selur byggingarrétt á lóð er gatnagerðargjald
lagt á í samræmi við fermetrafjölda þeirrar byggingar sem heimilt er að reisa á
viðkomandi lóð samkvæmt gildandi deiliskipulagi, nýtingarhlutfall skal að
lágmarki vera 0,25.
Þegar gatnagerðargjald verður ekki lagt á skv. a-lið, eða ef byggingarleyfi er veitt
fyrir stærri byggingu en álagning skv. a-lið var upphaflega miðuð við, er við
útgáfu byggingarleyfis lagt á gatnagerðargjald í samræmi við fermetrafjölda
þeirrar byggingar sem byggingarleyfi tekur til.
Við álagningu skv. b-lið 2. mgr. skal miða við stærð húss samkvæmt samþykktum uppdráttum og
ÍST 50.
Útreikningur gatnagerðargjalds.
Gatnagerðargjald er reiknað út frá tilgreindu nýtingarhlutfalli lóðar sbr. 3. gr. Sé þess óskað að
byggja meira en nýtingarhlutfall lóðar segir til um skal greiða gatnagerðargjald miðað við það
nýtingarhlutfall.
Sveitarstjórn er heimilt í sérstökum tilvikum að hækka eða lækka gatnagerðagjöld á einstökum
lóðum eða svæðum, sbr. 6. gr. laga 153/2006.
Af hverjum fermetra samkvæmt skilgreindu nýtingarhlutfalli eða af fermetrafjölda byggingar sé
hann hærri tala skal greiða ákveðinn hundraðshluta byggingarkostnaðar, pr. fermetra vísitöluhúss
fjölbýlis, eins og hann er samkvæmt útreikningum Hagstofu Íslands á grundvelli laga nr. 42/1987
(301.745 kr./m2,) m.v. byggingarvísitölu fyrir október 2024.
Hundraðshluti byggingarkostnaðar ákvarðast eftir hústegund svo sem hér segir:
Einbýlishús með eða án bílageymslu 6,3 %
Par-, rað- og keðjuhús, með eða án bílageymslu 6,3 %
Fjölbýlishús með eða án bílageymslu ( fleiri en 6 íbúðir) 2,7%
Verslunar-, skrifstofu - og þjónustuhúsnæði 6,6 %
Iðnaðar- og geymsluhúsnæði 3,8 %
Gripahús í þéttbýli 3,8 %
Þegar veitt er byggingarleyfi fyrir endurbyggingu, breytingu eða breyttri notkun húsnæðis þannig
að hún færist í hærri gjaldflokk, sbr. 1. mgr. skal greiða gatnagerðargjald sem svarar til mismunar
hærri og lægri gjaldflokksins. Lóðarhafi, eða byggingarleyfishafi þar sem það á við, á ekki rétt á
endurgreiðslu ef bygging færist í lægri gjaldflokk við slíka breytingu.
Undanþágur frá greiðslu gatnagerðargjalds.
Undanþegnar greiðslu gatnagerðargjalds eru eftirtaldar byggingar:
Lagnakjallarar og aðrir gluggalausir kjallarar, sem aðeins er gengið í innan frá.
Óeinangruð smáhús, minni en 6 fermetrar. Fyrir stærri hús er greitt sama gatnagerðargjald og fyrir hesthús.
Sameiginlegar bifreiðageymslur fyrir þrjár eða fleiri bifreiðar.
Sérstök lækkunarheimild gatnagerðargjalds.
Sveitarstjórn er heimilt skv. 6. gr. laga 153/2006 að lækka eða fella niður gatnagerðargjald af
einstökum lóðum í sveitarfélaginu við sérstakar aðstæður, svo sem vegna þéttingar byggðar,
atvinnuuppbyggingar, lítillar ásóknar í viðkomandi lóð eða eftirspurnar eftir leiguhúsnæði.
Greiðsluskilmálar.
Gjalddagar gatnagerðargjalds skulu vera sem hér segir:
Við lóðarúthlutun skal greiða 50% gatnagerðargjalds. Hafi ekki verið lagt bundið slitlag á viðkomandi götu við lóðarúthlutun skal einungis greiða 20% gjaldsins við lóðarúthlutun og 30% við lagningu bundins slitlags.
Við útgáfu byggingarleyfis skal greiða 25%.
Þegar hús er fokhelt skal greiða 25%.
Af gjaldföllnu gatnagerðargjaldi skulu greiðast dráttarvextir, skv. ákvæðum laga nr. 38/2001 um vexti og verðtryggingu. Eindagi gjalda skv. gjaldskrá þessari er 30 dögum eftir gjalddaga.
Hafi gjöldin eigi verið greidd fyrir eindaga, fellur úthlutun lóðarinnar úr gildi. Umsækjandi lóðar, sem fengið hefur sömu lóð úthlutað á ný og greiðir ekki innan greiðslufrests, fær ekki úthlutað lóð í þriðja sinn, nema fyrir liggi greiðsla gatnagerðargjalda.
Ábyrgð á greiðslu gatnagerðargjalds. Lögveðsréttur.
Lóðarhafi leigulóðar og eigandi eignarlóðar ber ábyrgð á greiðslu gatnagerðargjalds.
Gatnagerðargjald er ásamt áföllnum vöxtum og kostnaði tryggt með lögveðsrétti í viðkomandi fasteign með forgangsrétti fyrir hvers konar samnings- og aðfararveði.
Endurgreiðsla gatnagerðargjalds.
Gatnagerðargjald skal endurgreitt í eftirtöldum tilvikum:
Ef lóðarhafi skilar úthlutaðri lóð eða ef lóðarúthlutun er afturkölluð.
Ef gatnagerðargjald hefur verið greitt í tengslum við útgáfu byggingarleyfis, en leyfið fellur úr gildi.
Gatnagerðargjald skal endurgreitt innan 90 daga ef lóð er afturkölluð skv. a-lið. Sama gildir um gatnagerðargjald sem lagt hefur verið á í tengslum við útgáfu byggingarleyfis, sbr. b-lið, en þá skal gatnagerðargjald endurgreitt innan 90 daga frá því að byggingarleyfishafi hefur sannanlega krafist endurgreiðslu.
Gatnagerðargjald skal endurgreitt og verðbætt, án vaxta, miðað við breytingu á vísitölu neysluverðs frá því lóðarhafi greiddi gatnagerðargjaldið til endurgreiðsludags.
Um endurgreiðslu fer að öðru leyti skv. 9. gr. laga um gatnagerðargjald nr.153/2006.
Eldri samningar og skilmálar um gatnagerðargjöld.
Um samninga um gatnagerðargjöld af tilteknum lóðum, sem lóðarhafar eða lóðareigendur hafa gert við Fjarðabyggð fyrir gildistöku gjaldskrár þessarar, svo og skilmálar varðandi gatnagerðargjöld, sem sveitarstjórn hefur sett fyrir sömu tímamörk og lóðarhafi og lóðareigandi hefur undirgengist, fer eftir þágildandi gjaldskrám.
Einingarverð og gildistaka.
Gjaldskrá þessi er sett fram með heimild í lögum nr. 153/2006 um gatnagerðargjald og öðlast gildi 1. janúar 2025 eftir birtingu þessarar auglýsingar. Jafnframt fellur úr gildi gjaldskrá nr. 1477/2022.
Afsláttur á árinu 2025.
Gefinn verður allt að 50 % afsláttur á gatnagerðagjöldum fyrir íbúðarlóðir á árinu 2025 en 75 % afsláttur á Stöðvarfirði og Breiðdalsvík vegna byggðarsjónamiða.
Skilyrði fyrir veitingu afsláttar eru eftirfarandi:
að lóðarumsókn eða viðbygging sé í skipulögðu eða byggðu hverfi.
að lokið hafi verið við lagningu allra heimæða og að yfirborð götu sé malbikað.
að byggingarframkvæmdir hefjist á árinu 2025.
að umsækjandi sé skuldlaus við sveitarfélagið.
Skipulags- og framkvæmdanefnd er enn fremur heimilt að lækka eða fella niður gjöld vegna sér-hæfðs félagslegs húsnæðis, svo sem sambýla fyrir fatlað fólk, þjónustuíbúða fyrir aldraða og félagslegs leiguhúsnæðis enda sé slíkt húsnæði í eigu stofnana, félagasamtaka eða félaga sem ekki eru rekin í ágóðaskyni. Þinglýsa skal kvöð á umrætt húsnæði um að greiða skuli gatnagerðargjald af því ef það fellur af einhverjum ástæðum ekki lengur undir ákvæði þetta.