Grunnskólar
Í Fjarðabyggð eru fimm grunnskólar fyrir börn á grunnskólaaldrinum sex til fimmtán ára. Skólarnir eru Nesskóli í Neskaupstað, Grunnskóli Eskifjarðar, Grunnskóli Reyðarfjarðar, Grunnskóli Fáskrúðsfjarðar og Breiðdals- og Stöðvarfjarðarskóli. Í Mjóafirði er rekin grunnskóladeild sem útibú frá Nesskóla. Upphaf skólastarfs grunnskólanna er auglýst á heimasíðum grunnskólanna og sérstakt bréf er sent forráðamönnum sex ára barna. Að öðru leyti er hægt að innrita börn allt árið um kring.
Ferli umsóknar
Sótt er um skólavist hjá hlutaðeigandi skóla. Í framhaldi af því er nemanda og foreldrum / forráðamönnum boðið í viðtal í skólann. Fylla þarf nákvæmlega út umsóknareyðublað um skólavist með umbeðnum upplýsingum.