Vinnuskóli Fjarðabyggðar er fyrir ungt fólk búsett í Fjarðabyggð sem lokið hefur 8. og 9. bekk grunnskóla. Starfstími skólans frá júní og fram í ágúst eða um 11 vikur samtals. Hver nemandi starfar virka daga í 5 eða 6 vikur eftir aldri, frá kl. 08:00 - 12:00 Unglingar með lögheimili utan sveitarfélagsins þurfa að sækja sérstaklega um leyfi til þátttöku og verða umsóknir þeirra teknar til greina út frá fjölda umsókna.

14 ára getur valið um vinnu í fimm vikur - 4 vinnuvikur og 1 fræðsluvika á vegum  sjávarútvegsskólans.

15 ára  getur valið um vinnu í sex vikur - 5 vinnuvikur og 1 fræðsluvika. Boðið verður uppá fræðslu í lífsleikni 

Vinnutími er frá 08:00- 12:00

Unglingar sem eru með lögheimili í sveitarfélaginu hafa öll rétt til þátttöku í vinnuskólanum. 

Frekari upplýsingar um Vinnuskólann veitir Helga Björk Einarsdóttir, garðyrkjustjóri, helga.b@fjardabyggd.is eða í síma 470-9000

Athugið að sækja þarf um starfið í gegnum kennitölu barns, ekki foreldris.

Ungt fólk fætt 2005 og áður getur sótt um átta vikna sumarstarf í garðyrkjudeild.

• Vinna við grasslátt með orfi og sláttuvélum.
• Hirðing blóma- og runnabeða.
• Tyrfa.
• Hirða upp rusl og snyrta útisvæði.
• Hreinsun gangstétta.
• Hellulögn.
• Viðhald og merkingar göngustíga.
• Önnur verkefni

Frekari upplýsingar um starfið veitir Helga Björk Einarsdóttir, garðyrkjustjóri helga.b@fjardabyggd.is eða í síma 470-9000

Sótt er um starf á ráðningarvef sveitarfélagsins.

• Við mætum stundvíslega og höfum með okkur hlífðarfatnað. Veðrið gæti breyst.
• Pásur og kaffitímar eru eftir samkomulagi flokksstjóra og nemenda.
• Við virðum skoðanir hvers annars og erum kurteis í samskiptum við aðra.
• Allir geta gert mistök, nemendur, flokksstjórar og yfirmenn.

• Við vinnum öll verk eins vel og við getum og förum vel með verkfærin okkar og aðrar eigur vinnuskólans.
• Við notum ekki tóbak, veip eða önnur vímuefni í vinnuskólanum.
• Foreldrar eru beðnir um að láta vita um forföll vegna veikinda.
• Biðja verður yfirflokksstjóra/flokkstjóra um frí.

Fjarvistir og viðurlög

Vinnuskóli Fjarðabyggðar heyrir undir fjölskyldusvið en garðyrkjustjóri Fjarðabyggðar hefur umsjón með honum og er hann næsti yfirmaður flokksstjóra. Fari unglingur ekki að tilmælum flokksstjóra eða sættir sig ekki við starfs- og umgengnisreglur vinnuskólans, er honum gefið tækifæri á að bæta sig.  Beri það ekki árangur er hann sendur heim launalaust. Forföll vegna veikinda eru greidd í allt að 8 klst á mánuði (16 klst m.v. fulla vinnu).

Umsjón með vinnuskóla

Garðyrkjustjóri.

TENGD SKJÖL