Sundlaugar Fjarðabyggðar

Góð sundlaugarferð er ómissandi hluti af daglegu lífi í Fjarðabyggð.

Í sveitarfélaginu eru glæsilegar útisundlaugar á Norðfirði og á Eskifirði, með heitum pottum, sundrennibrautum og frábærri aðstöðu. Sundlaug Eskifjarðar opnaði árið 2006 og á sama ári lauk einnig gagngerum endurbótum á Stefánslaug í Norðfirði. Á Fáskrúðsfirði er notaleg innilaug með heitum útipotti. Á Stöðvarfirði og í Breiðdal eru litlar útilaugar ásamt heitum potti í fallegu umhverfi.

Vinsamlegast athugaðu eftirfarandi lokanir:

Sundlaugin á Fáskrúðsfirði er lokuð 30. júlí til 4. september og frá 18. desember til 4. janúar. 

Sundlaugin á Stöðvarfirði er opin frá 15. maí til 31.ágúst og er því lokuð yfir vetrartímann.

Frá 29. ágúst til 15. september opnar laugin á Stöðvarfirði mánudaga og fimmtudaga kl. 16:30 vegna skólasunds. 

Sundlaugin í Breiðdal er opin frá 1. júní - 15. september og er því lokuð yfir vetrartímann.