Fjölskyldunefnd

Fjölskyldunefnd skal móta stefnu sveitarfélagsins, s.s. í félagsþjónustu, barnaverndarþjónustu, málefnum fatlaðs fólks, eldra fólks og í jafnréttismálum. Þá mótar fjölskyldunefnd stefnu í fræðslu-, forvarnar- og menntamálum ásamt því að móta stefnu sveitarfélagsins í íþrótta-, tómstunda- og æskulýðsmálum og styðja við virkt íþrótta- og tómstundastarf.

Fjölskyldunefnd skal taka ákvarðanir og gera tillögur til bæjarráðs um málefni á sínu verksviði. Nefndin hefur eftirlit með að samþykktum og stefnumörkun á verksviði hennar sé fylgt.

Fjölskyldunefnd fer með önnur þau verkefni sem bæjarráð ákveður.

Smelltu hér til að skoða fundargerðir fræðslunefndar.

Fjölskyldunefnd fer með eftirtalin verkefni:

Félags- og húsnæðismál

• Verkefni samkvæmt lögum um félagsþjónustu sveitarfélaga nr. 40/1991 með síðari breytingum , lögum um samþættingu þjónustu í þágu farsældar barna nr. 86/2021, lögum um málefni aldraðra nr. 125/1999 með síðari breytingum og lögum um þjónustu við fatlað fólk með langvarandi stuðningsþarfir r nr. 38/2018.
• Stjórn og eftirlit með framkvæmd félagsþjónustu í Fjarðabyggð. Vinnur tillögur til bæjarráðs um starfsreglur fjölskyldusviðs.
• Verkefni samkvæmt. lögum nr. 44/1998 um húsnæðismál og lögum um húsaleigubætur nr. 75/2016 með síðari breytingum.
• Hefur umsjón með daggæslu barna í heimahúsum og mótar stefnu á því sviði með hliðsjón af stefnu í leikskólamálum Fjarðabyggðar.

 Öldrunar- og heilbrigðismál

• Stefnumörkun um öldrunarþjónustu í Fjarðabyggð.
• Verkefni öldungaráðs 6. – 8. gr. laga nr. 125/1999 um málefni aldraðra með síðari breytingum.
• Samstarf við önnur sveitarfélög og samstarfsaðila svo sem ráðuneyti og stofnanir ríkisins varðandi málefni eldra fólks og heilbrigðisstofnanir.
• Ábyrgð á samstarfi við frjáls félagasamtök vegna félagslegs starfs eldra fólks og annarri þjónustustarfsemi bæjarfélagsins í þágu eldra fólks.
• Umsjón með gerð og framkvæmd samstarfs- og rekstrarsamninga á verksviði nefndarinnar s.s. vegna dvalar- og hjúkrunarheimila og félagsþjónustu eldra fólks.

 Jafnréttismál

• Stefnumörkun í jafnréttismálum og eftirfylgni markmiða í samræmi við lög nr. 150/2020 um jafna stöðu og jafnan rétt kynjanna.
• Eftirlit með samþættingu jafnréttissjónarmiða hjá sveitarfélaginu.
• Umsjón með gerð jafnréttisáætlunar sveitarfélagsins, sem skal endurskoðuð og lögð fyrir sveitarstjórn á fyrsta ári eftir sveitarstjórnarkosningar.

 Forvarnarmál

• Ábyrgð á forvarnarstarfi í samráði við aðra málaflokka og yfirvöld sem fara með slík mál, s.s. heilbrigðisyfirvöld, íþrótta og-frístundamál, skóla og lögreglu.
• Ábyrgð á rekstri og skipulagi forvarna- og ráðgjafarteyminu Spretts sem starfrækt er á fjölskyldusviði í nánu samstarfi með fræðslunefnd.

 Málefni fatlaðra

• Ábyrgð á málefnum fatlaðra og samráð við önnur sveitarfélög og yfirvöld í málaflokknum.

 Barnaverndarþjónusta

• Nefndin fer með verkefni yfirstjórnar barnaverndarþjónustu skv. 12. gr., sbr. 10. gr. barnaverndarlaga nr. 80/2002, með síðari breytingum.

 Íþrótta og æskulýðsmál

• Fer með hlutverk æskulýðsnefndar samkvæmt æskulýðslögum nr. 70/2007.
• Ber ábyrgð á hagkvæmri og hámarks nýtingu íþróttamannvirkja, í samræmi við markmið í rekstri þeirra.
• Fer með rekstur og þjónustu félagsmiðstöðva.
• Annast tengsl við íþróttafélögin og önnur frjáls félagasamtök sem vinna að æskulýðs- og íþróttamálum.
• Fer með ábyrgð á þjónustusamningum við íþróttafélög og eftirfylgni þeirra.
• Auglýsir og úthlutar styrkjum til íþrótta- og æskulýðsmála.
• Ber ábyrgð á störfum ungmennaráðs í samræmi við ákvæði 11. gr. æskulýðslaga nr. 70/2007. Hlutverk þess er m.a. að vera bæjarstjórn til ráðgjafar um málefni ungs fólks í sveitarfélaginu.
• Leggur fram tillögur og er ráðgefandi aðili, varðandi akstur vegna íþrótta- og tómstundaiðkunar í sveitarfélaginu.
• Leggur fram tillögur er varðar skipulag og uppbyggingu Vinnuskóla ungmenna í sveitarfélaginu.

 Fræðslu og menntamál

• Vinnur að samstarfi menntastofnana í sveitarfélaginu.
• Stuðlar að samstarfi skólastiga í sveitarfélaginu og samstarfi og samþættingu starfs tónlistarskóla með þeim.
• Framfylgir fræðslustefnu og endurmetur hana að jafnaði tvisvar á kjörtímabili.

 Leikskólamál

• Fer með hlutverk leikskólanefndar samkvæmt lögum nr. 90/2008 um leikskóla og hefur umsjón með framkvæmd laganna.
• Hefur samráð við starfsmenn leikskóla og fulltrúa foreldra.
• Hefur eftirlit með starfsemi leikskóla og vinnur að samræmingu leikskólastarfs í sveitarfélaginu.

 Grunnskólamál

• Fer með verkefni grunnskólanefndar samkvæmt grunnskólalögum nr. 91/2008 og hefur umsjón með framkvæmd laganna vegna grunnskóla Fjarðabyggðar.
• Staðfestir skólanámsskrá og starfsáætlun skóla samkvæmt grunnskólalögum nr. 91/2008.
• Hefur samráð við skólastjóra grunnskóla, starfsmenn grunnskóla og fulltrúa foreldra um skólastarfið, skólaráð og nemendaráð hvers grunnskóla eftir því sem við á.
• Hefur umsjón með málefnum skóladagheimila í Fjarðabyggð.

 Málefni framhaldsskóla- og háskóla

• Hefur samráð við menntamálaráðuneytið og önnur fræðsluyfirvöld um starfsemi á framhalds- og háskólastigi.
• Hefur umsjón með samstarfssamningum sveitarfélagsins við framhaldsskóla.
• Vinnur að eflingu og þróun mennta- og rannsóknarstarfsemi á háskólastigi í Fjarðabyggð.
• Fer með ábyrgð á símenntun og fullorðinsfræðslu af hálfu Fjarðabyggðar.

 Málefni tónlistarskóla

• Hefur umsjón með starfsemi tónlistarskóla í Fjarðabyggð og með framkvæmd laga nr. 75/1985 um fjárhagslegan stuðning við tónlistarskóla.