Vinnslusvæði hitaveitu

Eskifjarðarsel/Byggðarholt

Virkjunarár: 2005

Hiti vatns: 76 °C

Ársmeðaltal: 21 l/s

Hámarksdæling: 50-60 l/s

Borhola ES-1 var boruð haustið 2002 og er 1327 m djúp, er fóðruð í 430 og jarðfræðingar telja að borholan fari í gegnum æð með innsteymi 80 °C heitu vatni á 930 m dýpi. Borola ES-1 var afkastamæld og gaf allt að 30 l/s í blásturprófun við borlok og var niðurdráttur metin innan við 100 m. Sjálfrennsli úr borholu ES-1 var í nálægt 7 l/s eftir blástursprófanir og borlok en sjálfrennsli minnkaði niður í 4,5 l/s fjórum mánuðum eftir blástursprófani og borlok. Eftir boranir voru gerð líkön af jarðhitakerfinu sem gerði sérfræðingum kleift að framkvæma hermanir með líkönum sem voru byggð á 30 daga prófun á holu ES-1 í febrúar/mars 2003 og gáfu til kynna 15 l/s dæling úr jarðhitakerfinu væri líklegt að vatnsborð falli um 130 – 250 m á 5 árum

Borhola ES-2 var boruð í lok 2003 og lauk í byrjun 2004. Fjarlægð á milli vinnsluholu ES-1 og ES-2 er um 300 m. Borhola ES-2 var boruð bein niður í 530m en skáboruð frá því dýpi og niður í 1004 m. Borhola ES-2 sker heita æð í 850 m dýpi sem gefur af sér í kringum 80°C heitt vatn. Hermun á vinnslugetu borholu stuttu eftir borun ES-2 sýndi fram á að við 18 l/s í 5 ár gæti vatnsborð fallið um 140 – 180 m. Borhola ES-2 er með lægri iðustreymisstuðul sem orsakar minni niðurdrátt og ætti því að vera afkastameiri. Vegna þessa er borhola ES-2 notuð sem aðalvinnsluhola og ES-1 verið notuð sem varahola

Dreifikerfi hitaveitu

Til að koma heita vatninu frá borholusvæðum og til notanda þarf margskonar búnað, tæki og mannvirki. Allt byrjar þetta í hitaveituborholum á vinnslusvæðum, síðan taka aðveituæðar við en þær flytja vatnið frá vinnslusvæðum og nær notendum en þá tekur dreifikerfi hitaveitu við sem kemur heita vatninu alla leið inn í hús til notanda.  

Vinnslusvæði

Hitaveituborholurnar á vinnslusvæðinu eru misdjúpar. Í borholunum eru dælur sem dæla heita vatninu upp úr borholunum. Yfir holunum eru svokölluð borholuhús.

Aðveituæðar

Frá borholunum er heita vatnið svo flutt með aðveituæð í loftskilju/safngeymi sem staðsettur er nær notandanum. Í loftskiljunni losna eimbólur úr heita vatninu. Aðveituæðar eru í dag allar lagðar neðanjarðar.

Dreifikerfi

Dreifikerfi hitaveitu samanstendur af lögnum og skerpistöðvum.