SLÖKKVILIÐ FJARÐABYGGÐAR
Höfuðstöðvar liðsins eru í öryggismiðstöð / slökkvistöð að Hrauni 2 við Mjóeyrarhöfn á Reyðarfirði. Við þjónustustörf er hópur atvinnumanna og hlutastarfandi slökkviliðs- og sjúkraflutningamanna. Að auki eru útstöðvar á Norðfirði, Fáskrúðsfirði, Stöðvarfirði og í Breiðdal, en á þessum stöðvum er ekki dagleg starfsemi.
Í fastaliði slökkviliðsins eru um 70 manns. Auk slökkvistarfa og eldvarnareftirlits sér slökkviliðið um alla sjúkraflutninga í Fjarðabyggð og eru bæði slökkviliðs- og sjúkraflutningamenn á sólarhringsvakt. Sjúkrabílar eru staðsettir á Hrauni við Reyðarfjörð, á Norðfirði, Fáskrúðsfirði og í Breiðdal. Tækjakostur liðsins er góður og í stöðugri endurnýjun. Símanúmer í slökkvistöð er 470 9080.