Sorphirða og Endurvinnsla

Fjarðabyggð er vel á veg komið í umhverfismálum og gaman hefur verið að sjá hversu mjög ásýnd bæjarkjarnanna hefur breyst til hins betra á undanförnum árum. 

1. Fyrirtækið Kubbur ehf. annast sorphirðu, safna úrgagni úr tunnum sveitarfélagsins samkvæmt sorphirðudagatali. 
2. Hringrás EHF mun sjá um akstur á lífrænum úrgangi frá söfnunarstöðum sveitarfélagsins til moltugerðar hjá Moltu EHF.
3. GS lausnir munu sjá um þjónustu við söfnunarstöðvar Fjarðabyggðar. Í því felst leiga á gámum fyrir allar söfnunar- og móttökustöðvar ásamt losun á gámum á svæðinu.
4. Terra umhverfisþjónusta mun sjá um móttöku á endurvinnsluefnum úr grænu tunnunni og flokkun þess.

Opnunartími móttöku- og söfnunarstöðva

Móttökustöðvar eru lokaðar á almennum frídögum.

Á Norðfirði er opið mánudaga og miðvikudaga frá klukkan 16:00 - 18:00 og fyrsta og þriðja laugardag í hverjum mánuði frá klukkan 10:00 - 13:00

Á Eskifirði er opið á mánudögum frá klukkan 16:00 - 18:00 og fyrsta og þriðja laugardag í hverjum mánuði frá klukkan 14:00 - 17:00 

Á Reyðarfirði er opið á þriðjudögum og fimmtudögum frá klukkan 16:00 - 18:00, og annan og fjórða laugardag í hverjum mánuði frá klukkan 10:00 - 13:00 

Á Fáskrúðsfirði er opið á þriðjudögum frá klukkan 16:00 - 18:00 og anna og fjórða laugardag í mánuði frá klukkan 14:00 - 17:00

Á Stöðvarfirði er opið á föstudögum frá klukkan 16:00 - 18:00, engin opnun um helgar

Á Breiðdalsvík er opið á föstudögum frá klukkan 16:00 - 18:00, engin opnun um helgar

Móttöku- og söfnunarstöðvar í Fjarðabyggð

Móttökustöð Fjarðabyggðar er á Reyðarfirði. Þar er tekið á móti stærri förmum af úrgangi frá fyrirtækjum og einstaklingum. Allur úrgangur er fluttur á móttökustöð til vinnslu, þar sem hann er flokkaður og ýmist fluttur til urðunnar eða sendur til endurvinnslu. 

Notendur eru hvattir til að vanda vel flokkun á úrgangi sem skila á á móttöku- og söfnunarstöðvar. Óflokkaður úrgangur er alltaf gjaldskyldur!

Frá og með 15. september 2023 þurfa heimili og fyrirtæki að greiða fyrir gjaldskyldan úrgang á móttöku- og þjónustustöðum Fjarðabyggðar með klippikorti. 

Íbúar geta nálgast klippikortin á næstu móttökustöð Fjarðabyggðar. Rekstaraðilar geta nálgast fyrirtækjakort með því að hafa samband í gegnum netfangið klippikort@fjardabyggd.is eða á skrifstofu Fjarðabyggðar, Hafnargötu 2, Reyðarfjörður.

Hvert kort innifelur 2,0 m3 af gjaldskyldum úrgangi og er skipt niður í 0,125 og 0,25 m3 hluta (c.a hálf eða ein tunna). Hvert skipti sem komið er með gjaldskyldan úrgang á móttöku- og söfnunarstöð er klippt samsvarandi magn af kortinu. 

Verð á klippikorti til heimila og rekstraraðila

Einstaklingar/heimili   8.000,-

Fyrirtæki/rekstraraðilar   32.000,-

Allur úrgangur fyrirtækja er gjaldskyldur!

Óflokkaður úrgangur er alltaf gjaldskyldur!

Þriggja tunnu kerfi

Í Fjarðabyggð er notast við þriggja tunnu sorptunnukerfi í Fjarðabyggð. Gráa-, Græna- og Brúna tunnan eru allar losaðar á þriggja vikna fresti. 

Ef fólki vantar tunnur er hægt að senda tölvupóst á fjardabyggd@fjardabyggd.is  með upplýsingum um heimilisfang og hvernig tunnu er óskað eftir.

Yfirfullar tunnur

Tunnur skulu ekki fylltar meira en svo að þeim sé hægt að loka. Yfir­fullar tunnur geta valdið vand­ræðum og sóða­skap þegar þær eru losaðar. Yfir­fullar tunnur verða ekki losaðar og er íbúm bent á móttökustöðvar.

Næsta losun á sorpi