Áhöfn franska seglbátsins Port de Gravelines býður almenning velkominn um borð í dag kl. 12:00-14:00. Báturinn kom til Fáskrúðsfjarðar sl. sunnudag eftir níu daga siglingu frá Gravelines og liggur við nýju bryggjuna hjá Fosshótel Austfjörðum.
Almenningur boðinn velkominn um borð
![Almenningur boðinn velkominn um borð Almenningur boðinn velkominn um borð](/media/29c8d274df38d92f.jpg?w=600)
Áhöfn franska seglbátsins Port de Gravelines býður almenning velkominn um borð í dag kl. 12:00-14:00. Báturinn kom til Fáskrúðsfjarðar sl. sunnudag eftir níu daga siglingu frá Gravelines, vinabæjar Fjarðabyggðar á norðurströnd Frakklands. Sigld var sama leið og frönsku skúturnar fóru þegar sótt var á Íslandsmið á 19. og 20. öld.
Port de Gravelines er 51 feta seglbátur í eigu Gravelinesborgar. Skipstjórinn, Philippe Delassus, annast um daglegan rekstur hans, en báturinn var upphaflega keyptur af borginni sem keppnisbátur fyrir Skippers d'Islande siglingakeppnina. Keppt hefur verið á bátnum í öðrum keppnum og hefur honum m.a. verið siglt umhverfis jörðina í tvígang í alheimssiglingakeppni.
Útlit er fyrir skv. veðurspá að siglt verði frá Fáskrúðsfirði á morgun, fimmtudag. Leiðin liggur til Reykjavíkur, þar sem áhafnarskipti fara fram áður en Port de Gravelines verður siglt heim á leið. Um borð er auk skipstjórans sjö manna áhöfn.
Port de Gravelines liggur við nýju bryggjuna við Franska spítalann (Fosshótel Austfirðir).