Fjórðungsglíma Austurlands, keppnin um Aðalsteinsbikarinn, fór fram í Íþróttahúsinu á Reyðarfirði 27. desember 2013. Tuttugu og tveir keppendur kepptu í tveimur flokkum karla og þremur flokkum kvenna.
Sigurvegarar talið frá vinstri; Eva Dögg Jóhannsdóttir, Nikólína Bóel Ólafsdóttir, Leifur Páll Guðmundsson, Bylgja Rún Ólafsdóttir, Haraldur Eggert Ómarsson og Ásmundur Hálfdán Ásmundsson.
Mótið gekk vel fyrir sig og sjá mátti margar fjörugar glímur um hin veglegu verðlaun, Aðalsteinsbikarinn, sem gefinn er í minningu Aðalsteins Eiríkssonar glímukappa á Reyðarfirði. Eftir margar skemmtilegar glímur stóðu eftirtaldir uppi sem sigurvegarar og hömpuðu því Aðalsteinsbikarnum árið 2013.
