Í tengslum við framkvæmdir vegna snjóflóðavarnagarðanna í Neskaupstað eru hafnar framkvæmdir við innkeyrsluna í Neskaupstað sunnan þjóðvegar. Allt svæðið frá Mána að gamla frystihúsinu verður lagfært en á þessu svæði er nú verið að ganga frá bílastæðum og yfirfallstjörn. Á næstu mánuðum verður unnið að frágangi svæðisins og reiknað er með að á næsta sumri muni þetta svæði skarta sínu fegursta. Norðan þjóðvegar er hafin vinna við minningarreit um snjóflóðin í Neskaupstað og verður þeirri vinnu einnig lokið næsta sumar.