Stækkun Norðfjarðarhafnar eru mestu hafnarframkvæmdir sem standa yfir á landinu, ef frá eru taldar Faxaflóahafnir. Höfnin var á síðasta ári stærsta fiskihöfn landsins í lönduðum afla talið og kalla sístækkandi fiskiskip á stærri hafnir, að því er fram kemur í fréttum Stöðvar 2.

Í viðtali við Pál Björgvin Guðmundsson, bæjarstjóra, er fyrst og fremst verið að bregðast við auknum umsvifum með stækkun hafnarinnar. Gríðarleg verðmæti fari um Norðfjarðarhöfn ár hvert og gera megi ráð fyrir að þau aukist jafnvel enn frekar með nýjum Norðfjarðargöngum, sem verða opnuð haustið 2017 gangi áætlanir eftir. Nú þegar skapast um fjórðungur útflutningstekna þjóðarbúsins í Fjarðabyggðarhöfnum og vega þar þyngst Norðfjarðarhöfn og Mjóeyrarhöfn.

Norðfjarðarhöfn er ásamt Vestmannayjarhöfn með stærstu fiskihöfnum landsins og í afla talið var hún sú stærsta á síðasta ári. Framkvæmdum við lýkur á næsta ári og eru eins og áður segir þær umfangsmestu á landinu, næst á eftir framkvæmdum Faxaflóahafna, sem snúa m.a. að lengingu Tangabakka á Grundartanga og dýpkun hafnarinnar á Akranesi. 

Hafnarsjóður Fjarðabyggðar stendur  straum af framkvæmdum við Norðfjarðarhöfn.

Sjá frétt Stöðvar 2

Lesa frétt Stöðvar 2

Sjá frétt á vísir.is