Fimm manna hópur sjálfboðaliða á vegum Umhverfisstofnunar vinnur um þessar mundir að stígagerð í Hólmanesinu. Þau hafa fengið kennslu í stígagerð og hafa verið á Íslandi í sumar og unnið að lagningu stíga.
Einn sjálfboðaliðanna hjá Umhverfisstofnun í stígagerð í Hólmanesi.
Þessa vikuna er fimm manna hópur sjálfboðaliða á vegum Umhverfisstofnunar að vinna að stígagerð í Hólmanesinu.
Fyrir nokkrum árum var lagður stígur frá bílastæðinu á Hólmahálsi og niður í Urðarskarð. Þessi vaski hópur heldur stígagerðinni áfram frá Urðarskarði og í átt að Baulhúsum.
Í lok vikunnar stendur svo til að Veraldarvinir aðstoði þau við að bera efni í stíginn.
