Slökkvilið Fjarðabyggðar auglýsir lausar til umsókna tvær stöður varðstjóra. Um er að ræða 100% starf með starfsstöð á slökkvistöðinni á Hrauni á Reyðarfirði og ganga Varðstjórar vaktir samkvæmt skipulagi vaktkerfa slökkviliðs Fjarðabyggðar. Leitað er að áhugasömum aðilum sem leggja metnað í faglegt og gott starf þar sem traust og samheldni ríkir.
Helstu verkefni eru:
- Ber ábyrgð á því að manna vakt og úthluta og stýra verkefnum hennar á hverjum tíma.
- Ber ábyrgð á þeim starfsmönnum sem standa vaktina á hverjum tíma, stjórnar aðgerðum á vettvangi og sér um samskipti við aðra viðbragðsaðila.
- Tekur þátt í eldvarnareftirliti.
- Tekur þátt í fræðslu og sí- og endurmenntun.
- Umhirðu húss, tækja og búnaðar og annarri þeirri vinnu er fellur til á slökkvistöð.
- Slökkvistörf, sjúkraflutningar, æfingar, þjálfun.
Menntunar- og/eða hæfniskröfur:
- Umsækjendur þurfa að uppfylla skilyrði samanber reglugerð 792/2001 um Brunamálaskólann og réttindi og skyldur slökkviliðsmanna.
- Menntun og reynsla af störfum slökkviliðs- og/eða sjúkraflutningamanna er skilyrði.
- Hafa reynslu af stjórnun starfsmanna er æskileg.
- Hafa faglega þekkingu á viðfangsefnum slökkviliðs og sjúkraflutninga.
- Hafa góða líkamsburði, vera andlega og líkamlega heilbrigðir, reglusamir og háttvísir, hafa góða sjón og heyrn, rétta litaskynjun og vera ekki haldnir lofthræðslu eða innilokunarkennd.
- Hafa iðnmenntun sem nýtist í starfi slökkviliðsmanna eða sambærilega menntun (stúdentspróf) og reynslu.
Að auki þurfa umsækjendur að:
- Standast læknisskoðun og þrekpróf.
- Hafa jákvætt hugarfar.
- Hafa framúrskarandi hæfni í mannlegum samskiptum.
- Sýna fram á sterka leiðtogahæfileika.
- Hafa getu til að miðla upplýsingum í töluðu og rituðu máli.
- Sýna sjálfstæði og frumkvæði.
- Gerð er krafa um vammleysi, s.s. að hafa á sér gott orðspor og að framkoma og athafnir á vinnustað og utan hans samrýmist starfinu.
- Æskilegt er að viðkomandi hafi búsetu á miðsvæði Fjarðabyggðar.
Umsókn þarf að fylgja: Prófskírteini, læknisvottorð, ökuferilsskrá, ljósrit af ökuskírteini, almenn ferilsskrá og kynningarbréf. Umsækjendur eru beðnir um kynna sér inntökuskilyrði í starf í slökkviliðinu sem finna má á heimasíðu Fjarðabyggðar sem finna má með því að smella hér.
Öll kyn eru hvött til að sækja um starfið. Launakjör eru samkvæmt kjarasamningum sveitarfélagsins við Landsamband slökkviliðs- og sjúkraflutningamanna. Æskilegt er að umsækjandi geti hafið störf sem allra fyrst.
Umsóknarfrestur er til og með 4. febrúar 2024
Nánari upplýsingar veitir Júlíus Albert Albertsson slökkviliðsstjóri, julius@fjardabyggd.is eða í síma 470 9081.