Áningastaðurinn hefur á síðustu árum verið bættur, hellulagðir stígar og hlaðinn vegur. Þá unnu sjálfboðaliðar í stígagerð inni á svæðinu síðastliðið sumar.

Svæðið er kjörið útivistarsvæði og ákjósanlegt til kennslu og náttúrufræðslu enda er landslag og lífríki þar fjölbreytt og jarðfræðin áhugaverð. Af öðru áhugaverðu á svæðinu má nefna Völvuleiðið ofar í Hólmahálsinum og stríðsminjar frá seinni heimsstyrjöldinni.