Íbúafundur verður haldinn í Nesskóla, Neskaupstað þriðjudaginn 22. október klukkan 20:00. Kynnt verður vinna verkefna frá síðasta íbúafundi og vinnustofum, ásamt endurskoðun rýmingarkorta, snjóflóðaeftirlits og verklags á rýmingu á Norðfirði.
Erindi verða frá Fjarðabyggð, lögreglunni á Austurlandi, Veðurstofu Íslands, Vegargerðinni og fleiri aðilum.
Dagskrá fundarins:
Fundarsetning: Margrét María Sigurðardóttir, lögreglustjóri
- Verkefni frá síðasta íbúafundi, Jóna Árný Þórðardóttir, bæjarstjóri
Kynning á vinnu verkefna frá síðasta íbúafundi og vinnustofum.
- Ný rýmingarkort og snjóflóðaeftirlit (Jón Björn Hákonarson og Harpa Grímsdóttir)
Kynning á endurskoðum rýmingarkortum og snjóflóðaeftirliti á Norðfirði.
- Verklag viðbragðsaðila í rýmingum
Viðbragðsaðilar fara yfir verklag í rýmingum og hvað þarf að hafa í huga þegar húsnæði er yfirgefið, - skráning og fleira.
Lögreglan: Kristján Ólafur Guðnason yfirlögregluþjónn
Landsbjörg: Daði Benediktsson
Rauði krossinn: Anna Sigríður Þórðardóttir
- Skíðasvæðin á Austurlandi-Kynning á eftirliti og viðbragðsáætlunum: Sigurjón Egilsson
- Lokanir vega, innanbæjar og utan, - verklag og mat. Kynning frá lögreglustjóranum á Vestfjörðum um áralangt samstarf Vegagerðar, lögreglu og Veðurstofu varðandi lokanir vega, bæði innanbæjar og utan, þegar snjóflóðahætta er til staðar.
- Farið yfir stöðu mála á Norðfirði. Vegagerð fer yfir stöðuna á Fagradal.
- Verðmætabjörgun í almannavarnaástandi
- Síldarvinnslan kynnir viðbragðsáætlanir, ef til kemur almannavarnarástand, til björgunar á verðmætum og atvinnutækjum.
Spurningar og fundarslit
