Staða slökkviliðsstjóra var auglýst laus til umsóknar þann 9. september sl. og lauk umsóknarfresti þann 13. október. Alls bárust fjórar umsóknir um stöðuna og voru þrír aðilar boðaðir í viðtöl vegna starfsins. Niðurstaða ferilsins voru að bjóða Ingvari Georg starf slökkvliðisstjóra.

Ingvar Georg hefur mikla starfsreynslu og hefur starfað við slökkviliðs- og sjúkraflutninga um árabil. Á þeim tíma hefur Ingvar starfað við þjálfunarmál og verið stjórnandi hjá Slökkviliðinu á Keflavíkurflugvelli og Brunavörnum Suðurnesja auk þess sem hann hefur reynslu af störfum fyrir Landssamband slökkviliðsmanna.

Ingvar Georg mun taka til starfa þann 1. febrúar 2025.