Í ár erum við sex í hópnum og erum öll að gera mismunandi en flott og áhugaverð listaverk. Hér fyrir neðan er smá um hvað þú mátt búist við frá hverjum listamanni:

Daníela Yolanda Melara Lara sýnir -Kintsugi fyrir sálina- verkin snúast um það að finna fegurð í ófullkomleika og endurspegla forn japönsk viðgerðartækni sem kallast kintsugi. Málverkin eru að stórum hluta unnin með olíumálningu, akrýl og gullþræði.

Elísabet Mörk Ívarsdóttir sýnir ljóð og listaverk.

Helena Lind Ólafsdóttir sigrast á skordýrafælni með akrýl málverkum og handunnum prentum.

Hrefna Ágústa Marinósdóttir sýnir mikilvægi geðheilbrigðis með innsetningu.

Kormákur Valdimarsson sýnir tónverk byggð á Íslendinga sögunum og Eddukvæðum sem hann hefur samið auk þess að spila á opnuninni klukkan 17:00 á gítar og svo á morgun og á sunnudaginn mun hann leika tónlist á hljómborð og með tölvu klukkan 15:00..

María Rós Steindórsdóttir sýnir vatnslitamálverk af nokkrum gæludýrum íbúa Fjarðabyggðar. Myndirnar sýna brot úr lífi þeirra og uppátækjum á skemmtilegan hátt.

Á opnun sýningarinnar verður frumsýnt tónlistarmyndband við lagið Underneath eftir Kára Kresfelder sem hópurinn vann saman undir leiðsögn Elínar Claire H. Ramette. Einnig verða sýnd myndbandsverk sem hópurinn vann á LungA. Frumsýning á myndbandinu við lagið hans kára er hugsuð 16:45 og svo aftur um klukkustund síðar.

Opnunartímar:
fös. 26. júlí kl. 16:00 - 19:00
lau. 27. júlí kl. 13:00 - 17:00
sun. 28. júlí kl. 13:00 - 17:00

Við hlökkum til að sjá ykkur!