Allur póstur sem ekki var sérstaklega merktur viðtakanda var vigtaður á reyðfirsku heimili á árinu 2016. Í ljós kom að 13,7 kg af fjölpósti barst inn á þetta eina heimili. Samanlagt hafa því borist um 25.000 kg af fjölpósti inn á öll heimili í Fjarðabyggð. Við framleiðslu á pappír fyrir þennan póst má gera ráð fyrir að felld hafi verið 425 tré.

Þetta er mikið magn af pappír sem mikilvægt er að íbúar setji í Grænu tunnuna þannig að hægt sé að endurvinna hann. Einnig er mikilvægt að reyna að lágmarka fjölpóstinn. Íbúum er bent á að hægt er að afþakka fjölpóst með límmiðum frá Póstinum. Fyrirtæki og stofnanir geta lágmarkað fjölpóst með því að nota aðrar leiðir til að koma skilaboðum til skila.

Smellið hér til að nálgast upplýsingar á heimasíðu Póstsins um hvernig afþakka má fjölpóst.