Fundurinn fór fram á bæjarskrifstofum Fjarðabyggðar. Heimsókn Formanns KKÍ til Körfuknattleiksfélagsins er mikil viðurkenning fyrir því starfi sem unnið er hjá félaginu. Formaðurinn sagði m.a. að það væri gríðarlega ánægja innan Körfuknattleikssambandsins með stofnun Körfuknattleiksfélags Fjarðabyggðar og stefnan er að A-landsliðsmenn heimsæki félagið og krakkana í sumar.

Mikil gróska er í körfuboltanum í Fjarðabyggð en 20 krakkar eru að fara á Akureyri um næstu helgi að keppa á Kjarnafæðismóti Þórs í körfubolta. Auk þess heldur félagið úti meistaraflokki karla sem keppir í Bólholtsbikarnum, en félagið fór ósigrað í gegnum deildarkeppnina í vetur. Stefna félagsins er að auka vinsældir körfuboltans í Fjarðabyggð og bjóða upp á körfuboltaæfingar í fleiri byggðarlögum á næstu árum.