Jón Björn Hákonarson bæjarstjóri ávarpaði gesti sem og Þóroddur Helgason fræðslustjóri og Magnús Hilmar Helgason, framkvæmdastjóri Launafls, en Launafl sá um að reisa viðbygginguna og endurgera eldra húsnæði skólans. Nemendur yngri og eldri deilda sungu fyrir gesti og Lísa Lotta Björnsdóttir skólastjóri Lyngholts tók við gjöfum frá Launafli, Foreldrafélagi Lyngholts og Kvenfélagi Reyðarfjarðar. Eftir dagskrána var öllum viðstöddum boðið að ganga um skólann og þiggja veitingar. Mikill fjöldi fólks var mættur á hátíðina og gestir nýttu kærkomið tækifærið til að skoða glæsilega aðstöðu nemenda og starfsfólks.