Þann 22. febrúar síðastliðinn varð félagsmiðstöðin Knellan, á Eskifirði, 40 ára gömul. Í tilefni af þessum tímamótum var haldin kökukeppni í Knellunni fimmtudaginn 20. febrúar. Nemendur í 8. – 10.bekk bökuðu, skreyttu og komu með köku á kvöldopnunina.
Anton Berg Sævarsson, Sveinn Sigurbjarnason, Guðmann, Friðrik (Frissi) og Þórhallur Þorvaldssynir
Heiðursdómarar voru engir aðrir en bræðurnir þrír sem stofnuðu Knelluna 22.febrúar, 1985. Þeir Frissi, Guðmann og Þórhallur Þorvaldssynir dæmdu um kökurnar og sögðu ungmennunum sögur frá upphafstímum Knellunnar.
Fyrir góðvini Knellunnar verður síðan boðið upp á 40 ára afmælis Knellukaffi í dagskrá Páskafjörs á Eskifirði um páskana.
