Öldungaráð Fjarðabyggðar hefur síðastliðinn vetur verið að rýna í starfsemi sína og er nú búið að setja saman nýja starfsáætlun. Í áætluninni er meðal annars fyrirhugað að halda mánaðarlega viðburði á starfstímabilinu í formi fræðslu- eða kynningar fyrir eldra fólk í Fjarðabyggð. Fyrsta fræðslan verður haldin föstudaginn 9. maí, þar sem lögreglan á Austurlandi mun bjóða upp á forvarnarfræðslu um netsvindl. Markmiðið með þessum viðburðum er að veita eldra fólki mikilvægar upplýsingar og stuðning til að auka öryggi þeirra og vellíðan.