Einnig gafst þeim tækifæri til að skoða húsnæði og viðtalsaðstöðu Píeta samtakanna á Reyðarfirði sem er staðsett í húsnæði fjölskyldusviðs Fjarðabyggðar við Búðareyri 2. Þetta var notaleg stund þar sem gott var að ræða málin og þétta raðirnar. Það þarf samfélag til að taka utan um þá sem á þurfa að halda og það var dásmlegt að hitta fyrir grósku og hlýju meðal austurlendinga.

Austurland hefur lengi kallað eftir þjónustu Píeta samtakanna. Það er því sönn ánægja fyrir samtökin að opna nú loks Píeta skjól að Búðareyri 2 á Reyðarfirði. Píeta samtökin eru nú þegar með skjól í Reykjavík, á Ísafirði, á Akureyri og á Húsavík. Einnig þjónustar hjálparsími Píeta, 552 2218 allt landið, allan sólahringinn, allt árið um kring.

Fyrstu viðtölin fara fram nú strax í dag, fimmtudaginn 27. febrúar, í húsnæði fjölskyldusviðs Fjarðabyggðar að Búðareyri 2 á Reyðarfirði. Við minnum á að bókanir í viðtöl fara fram í síma 552 2218 á milli kl. 9 og 16 alla virka daga. Píeta síminn er líka opinn allan sólahringinn, alla daga fyrir þá sem þurfa á hjálp að halda. Meðferðaraðili frá Píeta mun veita viðtöl á Búðaraeyri einu sinni í mánuði til að byrja með. Þá er einnig boðið upp á fjarviðtöl.

Píeta veitir meðferð fyrir þá sem eru í sjálfsvígshættu eða sjálfsskaða og stuðning við aðstandendur þeirra og aðstandendur sem hafa misst. Þjónustan er fyrir 18 ára og eldri og er gjaldfrjáls.

Meðferðaraðilar Píeta eru allir með viðurkennt starfsleyfi frá landlækni eru þar á meðal sálfræðingar, félagsráðgjafar, iðjuþjálfi og læknir.

Það er svo sannarlega alltaf von og það er hjálp að fá.

Ljósmyndir: Gunnar Gunnarsson, Austurfrétt.