22.12.2022

SORPFLOKKUN UM JÓL - OPNUNARTÍMAR UM JÓL OG ÁRAMÓT Á MÓTTÖKUSTÖÐVUM

Nú þegar desember er gengin í garð í öllu sínu veldi er ekki úr vegi að minna á nokkur atriði sem mikilvægt er að hafa í huga varðandi úrgang. Jólahátíðinni fylgir allskonar úrgangur og oft á tíðum mikið af honum. Því er mikilvægt að flokka allan þann úrgang sem fellur til eins vel og hægt er.

Hér má sjá almennar leiðbeiningar um flokkun endurvinnanlegs úrgangs.

Rétt er að fara sérstaklega yfir nokkra hluti sem algengt er að falli til í kringum jólahátíðina:

Ónýtar jólaseríur: Fara ekki í almennu tunnuna. Þær flokkast sem lítil raftæki og þarf því að skila á næstu móttökustöð.

Sprittkerti: Fara í grænu tunnuna en mikilvægt er að hreinsa burt afgangsvax.

Málmumbúðir: Niðursuðudósir og lok af glerkrukkum fara í grænu tunnuna.

Glerkrukkur: Safna saman og fara með á móttökustöð í glergám

Umbúðir: Best er að brjóta pappaumbúðir saman svo þær taki minna pláss og fjarlægja allt plast sem getur leynst inn í þeim. Bæði pappinn og plastið fer í grænu tunnuna.

Rafhlöður: Safna saman í ílát og fara með á næstu móttökustöð eftir þörfum.

Jólapappír: Það má setja allan jólapappír í grænu tunnuna. Best er að brjóta pappírinn saman þannig að hann taki sem minnst pláss.

Pakkabönd: Eru flest úr plasti. Ef svo eru mega þau fara í grænu tunnuna.

Við hvetjum íbúa eindregið til að geyma það sem heilt er, eins og t.d. jólapappír og skrautborða og nota aftur á næsta ári.

Hér er einnig hlekkur á vef Umhverfisstofnunar þar sem búið er að taka saman allskonar upplýsingar sem gott er að hafa í huga til að halda jól á sem umhverfisvænastan máta.

Áætlað er að grænan tunnan verður tæmd á milli jóla og nýárs. Minnum fólk á að hreinsa frá tunnum til að auðvelda aðgengi.

Opnunartími móttöku og söfnunarstöðva yfir jól og áramót

Aðfangadagur 24. desember - Lokað

Jóladagur 25. desember – Lokað

Annar í jólum 26. desember - Lokað