Þegar í ljós kom að hluti af húsnæði Breiðabliks var myglað var strax hafist handa við að skoða til hvaða aðgerða þyrfti að grípa í samráði við verkfræðistofuna EFLU. Nú þegar eru framkvæmdir vel á veg komnar, og búið er að hreinsa myglu úr öllum þeim rýmum sem hún greindist í. Rétt er að taka fram að engir íbúa dvelja í þeim íbúðum sem mygla fannst í á meðan framkvæmdum við þær hefur staðið.

• Búið er að koma í veg fyrir allan leka úr lögnum hússins.
• Búið er að hreinsa öll þau rými sem mygla fannst í, og hefur EFLA tekið það verk út og er nú engin mygla í þeim rýmum sem hún greindist í áður. Unnið er að því að auka loftræstingu í öllum rýmum.
• Í föndurherberginu verður skipt um alla glugga, og þegar að þeirri vinnu líkur verður lokið við að klára það rými.
• Varðandi myglu sem fannst í þaki hússins er vinna við það í eðlilegum farvegi. Unnið er að því að skoða til hvaða aðgerða þarf grípa, en ekki er talinn hætta á að mygla berist úr þakinu og aðra hluta hússins.

Síðan að myglan í Breiðablik kom í ljós hefur framkvæmdasvið Fjarðabyggðar unnið að málinu í nánu samstarfi við verkfræðistofuna EFLU, íbúa og starfsmenn í húsinu. Velferð íbúa og starfsmanna hefur í þeirri vinnu ávalt verið höfð í fyrirrúmi og reynt að koma því þannig fyrir að rask þeirra verði eins lítið og mögulegt er.