Bæjarstjórn Fjarðabyggðar fagnar því að skýrsla starfshóps, á vegum Samgöngu- og sveitarstjórnarráðuneytisins, um legu Seyðisfjarðargangna sem lengi hefur verið beðið eftir sé kominn fram. Að mati hópsins skilar samfélaginu á Austurlandi mestu, með tilliti til þróunar byggðar og atvinnulífs, að ráðist verði í hringtengingu með göngum undir Fjarðarheiði til Seyðisfjarðar og þaðan til Mjóafjarðar og Norðfjarðar. Það er ljóst að samfélögin á Seyðisfirði og Mjóafirði geta ekki beðið lengur eftir þessum samgöngubótum frekar en Austurland. Því hvetur bæjarstjórn Fjarðabyggðar ráðherra samgöngumála og Alþingi til að setja gerð jarðgangna til að tengja þessi samfélög í forgang við endurskoðun samgönguáætlunar á þingi komandi. Þannig verði hægt að hefja framkvæmdir sem fyrst við gerð þessara mikilvægu samgöngubótar sem skiptir Austurland allt svo miklu máli.

Bæjarstjórn Fjarðabyggðar gerir sér vel grein fyrir því að umræddar samgöngubætur eru mjög kostnaðarsamar en minnir á í því samhengi þau miklu útflutningsverðmæti sem verða til í Fjarðabyggð og Austurlandi öllu. Því er sterk byggð á Austurlandi, sem og á landinu í heild, íslensku samfélagi svo mikilvæg. Þá telur bæjarstjórn Fjarðabyggðar eðlilegt að skoðar verði allar útfærslur við gerð og rekstur slíkrar samgöngubótar ef það verður til flýtingar hennar.