Kristín Embla hefur um nokkurt skeið verið ein efnilegasta glímukona landsins  og í dag fór hún taplaus í gegnum allar sínar glímur , hlut 5 og 1/2 vinning af sex mögulegum og hlaut að launum Freyjumennið og sæmdarheitið glímudrottning Íslands í fyrsta skipti. Auk Kristínar kepptu þrjár ungar og efnilegar glímukonur frá Reyðarfirði á mótinu og stóðu þær sig með prýði. 

Ásmundur Hálfdán hefur um árabil verið sterkasti glímumaður Íslands og í dag varði sigraði hann Íslandsglímuna í í þriðja sinn. Ásmundur sigraði alla andstæðinga sína á mótinu í dag og að mót loknu fékk hann Grettisbeltið afhent og um leið sæmdarheitið glímukóngur Íslands.

Íslandsglíman í ár var afar jöfn og skemmtileg og áhorfendur urðu vitni að spennandi keppni frá upphafi til enda, bæði í karla og kvennaflokki. Heiðursgestir mótsins voru Guðni Th. Jóhannesson forseti Íslands og Lilja Alfreðsdóttir mennta- og menningamálaráðherra og sá þau um að afhenda keppendum verðlaun í mótslok. 

Við óskum Kristínu Emblu og Ásmundi Hálfdáni innilega til hamingju með frábæran árangur.