Íslenska lýðveldið var stofnað á Þingvöllum þann 17.júní 1944 og fagnar því 80 ára afmæli á árinu. Af því tilefni gefur forsætisráðuneytið í samvinnu við Forlagið út bókina Fjallkonan. Þú ert móðir vor kær, sem verður gjöf til landsmanna og dreift um allt land fyrir 17.júní.
13.06.2024
Bókargjöf til íbúa í tilefni af 80 ára afmæli lýðveldisins
Fjallkonan er þjóðartákn og í bókinni er kafað ofan í sögu hennar og tilurð sem þjóðartákns og ávörpin sem flutt hafa verið af íslenskri fjallkonu í formlegri hátíðardagskrá á Austurvelli allt frá árinu 1947. Ásamt þessum greinum eru í bókinni birt úrval þjóðhátíðarljóða og þýðingar á ensku og pólsku á formála forsætisráðherra og samantektum greinagerða um fjallkonuna. Þá er bókin fallega myndskreytt með teikningum og ljósmyndum.
Í samvinnu við Forlagið og sveitarfélögin er bókinni nú dreift um allt land, aðallega á bókasöfn og sundstaði, þar sem landsmenn geta nálgast bókina.
Í Fjarðabyggð má nálgast eintök bókarinnar í bókasöfnum Fjarðabyggðar á opnunartíma þeirra:
-Bókasafninu á Norðfirði
-Bókasafninu á Eskifirði
-Bókasafninu á Reyðarfirði
-Bókasafninu á Fáskrúðsfirði
-Bókasafninu á Stöðvarfirði
-Bókasafninu á Breiðdalsvík