Kynnt er tillaga að nýju deiliskipulagi fyrir hafnar- og iðnaðarsvæði Mjóeyrarhafnar í Reyðarfirði. Með nýju deiliskipulagi lengist hafnarkantur Mjóeyrarhafnar til vesturs, athafnasvæði við hafnarkantinn stækkar og lóðum fjölgar á stækkuðu hafnarsvæði til vesturs. Þannig verður hægt að svara aukinni eftirspurn eftir lóðum á hafnarsvæðinu. Gert er ráð fyrir að gildandi deiliskipulag, nefnt Hraun 1, falli úr gildi við samþykkt nýja deiliskipulagsins. Tillagan er sett fram á skipulagsuppdrætti og í greinargerð.

Gögnin eru aðgengileg á vef Fjarðabyggðar www.fjardabyggd.is og liggja frammi á bæjarskrifstofu Fjarðabyggðar, Hafnargötu 2, Reyðarfirði.
Opið hús verður á bæjarskrifstofunni fimmtudaginn 14. júlí frá 13:00 til 14:00, þar sem spurningum íbúa vegna framkvæmdarinnar verður svarað.

Hér má nálgast Uppdrátt og Greinargerð deiliskipulags..

Athugasemdir eða ábendingar við tillöguna skulu berast til Marinós Stefánssonar, sviðsstjóra framkvæmdasviðs á netfangið marino.stefansson@fjardabyggd.is fyrir föstudaginn 29. júlí 2022.

Virðingarfyllst

f.h. Fjarðabyggðar

Marinó Stefánsson, sviðsstjóri framkvæmdasviðs