Vinna viðbragðsaðila í gær fólst fyrst og fremst í því að koma í veg fyrir að olía úr skipinu ylli umhverfistjóni og gekk það vel, en talsvert magn af olíu var í tönkum skipsins. Settar voru upp menungarvarnargirðingar til að taka þá olíu sem lak úr tönkum skipsins og koma í veg fyrir að hún bærist út á fjörð. Um kvöldmatarleytið tókst síðan að loka fyrir olíulekan og ganga þannig frá skipinu að enginn hætta er á því að það reki frá bryggjunni.

Í vikunni verður síðan unnið að því að ná skipinu upp og vinnur tryggingafélag útgerðar skipsins að því í samvinnu við verktaka og starfsmenn Fjarðabyggðarhafna.

Landhelgisgæslan, Slökkvilið Fjarðabyggðar, björgunarsveitir og starfsmenn Fjarðabyggðarhafna unnu að björguninni í gær og er þessum aðilum færðar bestu þakkir fyrir vel unnin störf.