Eygló var kynnt í dag, ásamt Austurbrú fyrir bæjarráði Fjarðabyggðar og hugmyndir ræddar sem snúa að nýsköpun og sóknarmiðum Eyglóar, orkuskiptum - orkunýtni - hringrás.
15.04.2024
Eygló, Orkuskipti - Orkunýtni - Hringrás
Eygló er samstarfsverkefni um eflingu orkuskipta, orkunýtni og hringrásarhagkerfis á Austurlandi. Heitið Eygló vísar til öflugasta orkugjafans, sólarinnar, og til bjartrar og kraftmikillar framtíðar.
Markmið Eyglóar er að minnka kolefnisspor Austurlands í samstarfi við einstaklinga, fyrirtæki og stofnanir á svæðinu. Eygló mun kortleggja orku- og efnisstrauma á Austurlandi og stuðla að samdrætti í losun gróðurhúsalofttegunda. Til að ná þessu yfirmarkmiði, verða sett á fót eftirfarandi verkefni sem stuðla að framförum í orkuskiptum, orkunýtni og hringrás.
Skrifað var undir samstarfssamning þess efnis í Fljótsdalsstöð milli Landsvirkjunar, umhverfis-, orku- og loftslagsráðuneytisins, Austurbrúar og sveitarfélaga á Austurlandi; Múlaþings, Fjarðabyggðar, Fljótdalshrepps og Vopna-fjarðarhrepps þann 3. febrúar 2023.
Fjarðabyggð þakkar þeim Dagmari Ýr Stefánsdóttur, framkvæmdastjóra Austurbrúar og Evu Mjöll Júlíusdóttur, framkvæmdastjóra Eyglóar, fyrir komuna og hlakkar til áframhaldandi samstarfs um þetta frábæra verkefni.