Framkvæmdir standa nú yfir við nýjan hafnarkant og þekju við Norðfjarðarhöfn framan við nýbyggingu sem mun hýsa netagerð Fjarðanets.
23.10.2018
Framkvæmdir við nýjan hafnarkant við Norðfjarðarhöfn
![Framkvæmdir við nýjan hafnarkant við Norðfjarðarhöfn Framkvæmdir við nýjan hafnarkant við Norðfjarðarhöfn](/media/hofnnesk3.jpg?w=600)
Fjarðabyggðahafnir hafa með landfyllingum búið til athafnasvæði í Norðfjarðarhöfn og nú er verið að vinna að nýjum hafnarkanti og þekju þar. Nú er unnið að þvi að steypa kantbita ofan á stálþil og þekju þar fyrir innan.
Það er fyrirtækið Nestak ehf. í Neskaupstað sem sér um verkið, en skrifað var undir verksamning við þá í september. Siglingasvið Vegagerðarinnar sá um verkfræðihönnun en Efla sinnir verkeftirliti á svæðinu.
Gert er ráð fyrir að framkvæmdum ljúki í desember á þessu ári.