Á stuttum fundi var farið vítt yfir sviðið en m.a. voru skipulagsmál haf- og strandsvæða rædd auk þess sem farið var yfir málefni fiskeldis og fleiri mál sem snerta Fjarðabyggð og Samband Íslenskra sveitarfélaga. 

Eins og sjá má á myndunum sem fylgja hérna með skartaði Eskifjörður sínu fegursta þegar fundarmenn mættu á svæðið. Ákveðið var að hafa fundin úti á bryggjunni við Rundulffssjóhús og höfðu fundarmenn á orði að loknum fundi að fundarstaðurinn væri einn sá fegursti sem þeir hefðu komið á.