Göngufélag Suðurfjarða er starfrækt í samstarfi Fáskrúðsfirðinga, Stöðfirðinga og nágranna okkar í Breiðdalnum. Yfir sumarið skipuleggur félagið gönguferðir upp um fjöll og firnindi en hefur einnig verið virkt í því að ganga fjörur og losa umhverfið við alls kyns rusl.

Í kjölfarið á átaki Landverndar, Hreinsum Ísland dagana 25. apríl-7. maí, skipulagði félagið fjöruhreinsanir sem hafa verið á hverjum þriðjudegi í maí og munu standa fram í júní. Hist er á ákveðnum stað og ákveðið svæði tekið fyrir í hverri göngu sem hefur skilað miklum árangri. 

Frábært framtak hjá Göngufélaginu sem má fylgjast með á fésbókarsíðu félagsins.

Einnig má benda á að Áhugafólk um hreint umhverfi stóð fyrir hreinsun á Neseyri við Norðfjörð þann 1. maí s.l.

Allir sem hafa áhuga á að hreinsa nærumhverfi sitt eru hvattir til að taka þátt því þetta er málefni sem varðar okkur öll.

Meira um átakið Hreinsum Ísland.