Fimmtudaginn 1. júlí verður Hernámsdagurinn haldinn hátíðlegur á Stríðsárasafninu á Reyðarfirði. Eitt og annað verður um að vera á safninu í tilefni dagsins.
Stríðsárasafnið opnar kl. 13:00 og er gestum boðið að skoða safnið endurgjaldslaust allan daginn. Þá lifnar safnið við kl. 17:00 með tilheyrandi dagskrá en hægt verður að kaupa fisk og franskar á svæðinu. Hernámsdeginum lýkur svo með lifandi tónlist í bragganum milli kl. 19:00 og 21:00.
Gestir eru hvattir til að taka með sér teppi til að sitja á, garð- eða útilegustóla og ekki gleyma sólarvörninni, enda verður veður með besta móti. Einnig er skorað á gesti að mæta í hermannabúningum, stríðsárakjólum eða hverju einu sem hefur tengingu við stríðsárin.
Það er stjórn Íbúasamtaka Reyðarfjarðar og Fjarðabyggð sem býður alla hjartanlega velkomin á þennan fjölskylduvæna, fróðlega og fjöruga viðburð. Hlökkum til að sjá ykkur.
