Jarðvegsframkvæmdir eru hafnar við nýtt íþróttahús á Reyðarfirði.  Stefnt er að því að vinnu við þetta stig framkvæmdanna ljúki um 20. ágúst eða áður en skólastarf hefst.  Vinnusvæðið verður girt af en framkvæmdirnar eru á vinsælu leiksvæði svo það eru eindregin tilmæli til foreldra að þeir brýni fyrir börnum sínum að fara varlega í nágrenni við vinnusvæðið, þar sem vinnuvélar eru á ferð við svæðið og til og frá því. Af þessum sökum verður ærslabelgurinn ekki í notkun á meðan á framkvæmdum stendur.