Fjölbreytt handverk, krydd úr fjallagrösum og snyrtivörur voru á meðal þess sem var á boðstólum, en auk þess gátu gestir gætt sér á heitu kakói, kaffi og dýrindis kökum. 

Glæsileg dagskrá gladdi enn fremur hug og hjörtu markaðsgesta. Karlakórinn Ármann söng jólalög þýðum rómi undir stjórn Egils Jónssonar, sem lék jafnframt undir á hljómborð. Blásarasveit Tónskóla Neskaupstaðar lék einnig jólalög undir stjórn Hildar Þórðardóttur og Leikfélag Norðfjarðar kom fram ásamt unglingadeild félagsins.

Það kom svo í hlut Sönghópsins Fannar að ljúka þessari stórskemmtilegu dagskrá, sem hreif að sönnu við hinum sanna jólaanda í Dalahöllinni í dag.