Tilraunaverkefni Fjarðabyggðar í samstarfi við Karítas Hörpu Davíðsdóttur. Karitas Harpa, söngkona vann keppnina The Voice Iceland árið 2017.
Klúbburinn söngur og sjálfsstyrking verður haldinn einu sinni í viku í sex vikur í Zveskjunni. Hann verður haldinn á þriðjudögum klukkan 19:30 og hver tími verður um 2 klukkustundir.
Klúbburinn hefst 18. apríl.
Það er mjög mikilvægt að skrá sig í klúbbinn en hámarks fjöldi þátttakenda eru 10. Skráningar þurfa að berast á netfangið eyruninga@fjardabyggd.is fyrir þann 16. apríl.
Í klúbbnum er lögð áhersla á sjálfsstyrkingu og sjálfsöryggi í framkomu: söng, upplestri, leiklist og/eða sköpun. Fyrri hluti hvers tíma fer í umræður, fræðslu og verkefnavinnu. Seinni hluti hvers tíma fer í æfingar í söng eða annars konar framkomu, eftir því hvar áhugi hvers og eins liggur. Æfingar í litum hópi gefur einstaklingum tækifæri á að æfa sig að koma fram fyrir framan aðra en þó í lokuðum og vernduðum aðstæðum.
Námskeiðið er hugsað fyrir ungmenni í Fjarðabyggð frá 13 til 16 ára og kostar ekkert.
