Í ljósi nýrra upplýsinga og í samráði við sóttvarnaryfirvöld hefur verið ákveðið að hafa leikskóladeildirnar í Breiðdal og á Stöðvarfirði lokaðar í dag mánudaginn 15.nóvember, á meðan unnið er að frekari smitrakningu. Allt skólahald í Breiðdals- og Stöðvarfjarðarskóla fellur þannig niður í dag.
15.11.2021
Allt skólahald fellur niður í Breiðdal og á Stöðvarfirði mánudaginn 15. nóvember
Upp hefur komið Covid-19 smit hjá nemanda á miðstigi í Breiðdals- og Stöðvarfjarðarskóla. Í samráði við smitrakningateymið var ákveðið að allir nemendur í 1.-6. bekk skólans fari í sóttkví ásamt nokkrum starfsmönnum skólans. Aðrir nemendur og starfsmenn í grunnskólahluta skólans fara í smitgát. Allt skólahald í 1.-10. bekk Breiðdals- og Stöðvarfjarðarskóla fellur niður mánudaginn 15. nóvember.
Eitt smit greindist til viðbótar á Vopnafirði en viðkomandi var í sóttkví við greiningu og því ekki frekari rakning í kringum það smit.
Aðgerðastjórn vill brýna fyrir íbúum að bóka sér PCR sýnatöku ef einkenna verður vart og halda sig heima á meðan beðið er eftir niðurstöðum.