Undanfarið hefur verið mikið um að vera við Mjóeyrarhöfn líkt og meðfylgjandi myndir, sem teknar voru föstudaginn 26. júní, bera með sér.

Sanddæluskipið Sóley hefur undanfarið unnið við að dæla á land efni sem notað verður til uppfyllingar á svæðinu. Með því er unnið að undirbúningi fyrir annan áfanga Mjóeyrarhafnar.

Þá hafa bæði Fiskeldi Austfjarða og Laxar EHF unnið að því á svæðinu að setja saman kvíar fyrir starfsemi sína. Auk þess hefur Landsnet haft til afnota stórt svæði á Mjóeyri þar sem geymdur er lager vegna vinnu við Kröflulínu.