Tveir nýir starfsmenn koma til starfa hjá sveitarfélaginu 1. apríl nk. Nýr forstöðumaður framkvæmda- og þjónustumiðstöðva er Sigurður Jóhannes Jónsson og nýr umhverfisstjóri er Anna Berg Samúelsdóttir.
Nýir starfsmenn hjá bænum
![Nýir starfsmenn hjá bænum Nýir starfsmenn hjá bænum](/media/63c26f2b3cfb839.jpg?w=600)
Nýr umhverfisstjóri er Anna Berg Samúelsdóttir en Anna er 43 ára landfræðingur.
Helstu verkefni hennar verða vinna við stefnumótun í umhverfismálum sveitarfélagsins og framkvæmd hennar, fagleg forysta í umhverfismálum, náttúruvernd og ásýnd umhverfis í sveitarfélaginu, framkvæmdaeftirlit, efnistökumál, áætlanir og frágangur efnistökusvæða.
Nýr Forstöðumaður framkvæmda- og þjónustumiðstöðva er Sigurður Jóhannes Jónsson. Sigurður er 47 ára.
Helstu verkefni hans verða þróun á samþættingu og starfsemi þjónustumiðstöðva, hafna og veitna sveitarfélagsins, mótun og gerð þjónustustefnu og gæðastaðla fyrir framkvæmda- og þjónustumiðstöð, utanumhald um þjónustumiðstöðvar og yfirstjórn þeirra, mönnun á höfnum og yfirumsjón með garðyrkjustörfum, slætti, snjómokstri, vinnuskóla og léttari umhverfis- og viðhaldsverkefni. Sigurður mun einnig vinna að samræmingu starfsmanna og tækja þjónustumiðstöðva, veitna, hafna og garðyrkjustarfsmanna og sér um að tengja starfsemina við þær framkvæmdir og viðhaldsmál sem eru í gangi í sveitarfélaginu.
Anna og Sigurður eru boðin velkomin til starfa.