Eru Norðfirðingar og aðrir sem áhuga hafa, hvattir til að taka myndir af skipunum en þau munu sigla þannig að auðvelt verði að mynda þau. Þeir sem taka myndir eiga síðan kost á að senda þær til Síldarvinnslunnar á svn@svn.is og þrjár bestu myndirnar verða valdar auk þess sem 100 þúsund krónur verða veittar í verðlaun fyrir hverja myndanna þriggja. Þriggja manna dómnefnd innan fyrirtækisins mun meta myndirnar sem berast og verða niðurstöður hennar kynntar 17. júní nk.

Hin nýi Börkur verður síðan til sýnis um sjómannadagshelgina. Án efa vilja fjölmargir skoða skipið og til að dreifa álaginu munu starfsmenn Síldarvinnslunnar og fjölskyldur þeirra fá tækifæri til að skoða það á laugardag frá kl. 15:00 – 17:00 en á sjómannadaginn frá 11:00 – 13:30 verða síðan allir velkomnir um borð. Athugið að vegna sóttvarnarmála verður hleypt um borð í hópum.

Fjarðabyggð sendir Síldarvinnslunni hamingjuóskir með þetta glæsilega skip!