Í gær var skrifað undir samninga vegna lengingar stálþils við Egersund á Eskifirði.
Steinþór Pétursson, framkvæmdastjóri Fjarðabyggðarhafna, Gunnar Jónsson, staðgengill bæjarstjóra og Stefán Guðjónsson, forstjóri Ísar ehf.
Lengingin er um 59 metrar og síðan verður fyllt á bak við það. Útboð á verkinu var í byrjun júnímánaðar og voru tilboð opnuð þann 13. júní sl. Ísar ehf. átti eina tilboðið í verkið og nam það 45.165.500 krónum sem var 108% af kostnaðaráætlun sem hljóðaði upp á 42.000.000.
Í kjölfarið var gengið til samninga við Ísar og voru þeir undirritaðir á bæjarskrifstofunum á Reyðarfirði í gær af þeim Stefáni Guðjónssyni, forstjóra Ísar og Gunnari Jónssyni, staðgengli bæjarstjóra.
Áætlað er að verkinu ljúki þann 1. október 2017.
Fleiri myndir:Steinþór Pétursson, framkvæmdastjóri Fjarðabyggðarhafna, Gunnar Jónsson, staðgengill bæjarstjóra og Stefán Guðjónsson, forstjóri Ísar að handsali loknu.
