SvAust ehf. tekur að sér að sjá um allan akstur sveitarfélaganna á Austurlandi sem unnt er að flokka sem almenningssamgöngur og sem hvert sveitarfélag um sig ákveður að fela SvAust ehf. umsjón á. Í þessu felst að SvAust ehf. sér um umsýslu, þróun, markaðssetningu o.fl. á almenningssamgöngum á Austurlandi. Samið hefur verið við Austurbrú um að halda utan um umsýslu og starfsemi SvAust.

Góðar samgöngur eru lykilatriði í jákvæðri framþróun byggðar á Austurlandi og geta almenningssamgöngur þar skipt miklu máli, aukið sjálfbærni samfélaga, styrk þeirra og fjölbreytni og komið í veg fyrir eða minnkað umhverfisrask, mengun og offjárfestingu.

Hjá Fjarðabyggð er núna unnið að því að samhæfa betur frístundakstur við almenninsamgöngur innan og utan sveitarfélagsins og verður það verkefni m.a. þróað og unnið að áfram hjá SvAust.