Um er að ræða hæstu upphæð sem sjóðurinn hefur úthlutað um árabil og eru megin áherslur nú á ný svið, svo sem þungaflutninga og vinnuvélar. Að auki býður sjóðurinn  stuðning til líf- og rafeldsneytisframleiðslu og orkugeymslna. 

Styrkirnir eru fyrir eftirfarandi verkefni:

• Verkefni sem minnka verulega eða skipta alveg út jarðefnaeldsneyti í framleiðslugreinum, matvælaiðnaði og sjávarútvegi, t.d. olíunotkun í þurrkurum, í dísilvélum eða við bræðslu.
• Líf- eða rafeldsneytisframleiðsla og orkugeymslur. Gögn sem fylgja styrkhæfu verkefni verða að sýna fram á notkun við raunverulegar aðstæður.
• Stuðningur við kaup á vistvænum sendibílum eða flutningabílum eða til uppbyggingar innviða sem stuðla að notkun endurnýjanlegs eldsneytis fyrir slík farartæki
• Stuðningur við kaup á vinnuvélum sem nota endurnýjanlegt eldsneyti.
• Styrkirnir til orkuskipta geta numið að hámarki 33% af áætluðum stofnkostnaði.

Við hvetjum fyrirtæki til að kynna sér málið betur á vef Stjórnarráðsins með því að smella hér.