Blíðskaparveður var í Oddsskarði í dag þegar Páll Björgvin Guðmundsson, bæjarstjóri, veitti Ómari Skarphéðinssyni, rekstraraðila Oddsskarðs, formlega afnot af nýjum snjótroðara.

Athöfnin fór fram á viðeigandi hátt. Páll kom akandi á troðaranum, steig út og voru afnotin veitt með handsali. Því næst var skrifað undir samning vegna afnotanna í skíðaskálanum.

Nýi troðarinn leysir tíu ára gamlan troðara af hólmi. Sá nýi er sama módel og sá gamli en mun betur búinn og afkastameiri. Hann er búinn allri nýjustu tækni, bæði að innan og utan og má segja að um stóran dag hafi verið að ræða.

Það var afar viðeigandi að afhendingin skyldi fara fram á þessum degi þar sem þetta var fyrsti opnunardagur skíðasvæðisins í vetur. Fjöldi fólks var kominn í brekkurnar alsæll með að loksins væri kominn nægur snjór