Kvikmyndasafn Íslands, í samstarfi við Mynda- og skjalasafn Norðfjarðar, stendur fyrir sýningu á áður óséðum filmum í Safnahúsinu í Neskaupstað þriðjudaginn 27. desember klukkan 17:00.
15.12.2022
Sýning á áður óséðum filmum í Safnahúsinu í Neskaupstað
Sýndar verða kvikmyndir frá því um miðja síðustu öld úr safni Kjartans Ó. Bjarnasonar og Vigfúsar Sigurgeirssonar. Sýningin mun taka um 45 mínútur og verður henni skipt í tvennt. Í fyrri hluta hennar verða sýndar áður óséðar myndir frá Norðfirði og Austurlandi og í síðari hluta sýningarinnar verður almennara efni, s.s. óeirðarmyndir frá Austurvelli 1949 og fleira.
Öll velkomin og frítt inn. SÚN býður gestum upp á kaffiveitingar.